السوست المتصلة (بونيل) بتدي دعم موحّد وسعرها أقل، ومناسبة لغرف الأطفال والاستخدام الخفيف. السوست المنفصلة (بوكيت) كل سوستة فيها بتتحرك لوحدها، فبتدعم الجسم بدقة أكبر خصوصًا لو اتنين بيناموا على نفس السرير.

مفيش درجة واحدة تناسب الكل؛ الاختيار بيعتمد على الوزن ووضعية النوم. النوم على الجنب غالبًا يناسبه إحساس متوسط، والنوم على الضهر أو البطن عادة يحتاج دعم أقوى. ابعتلنا وزنك ووضعية نومك على واتساب ونساعدك تختار من الموديلات المتاحة.

عادة بنرشح موديلات بطبقات دعم أقوى أو سوست بوكيت مناسبة للوزن. ابعتلنا الوزن والمقاس المطلوب ونقترح الموديلات المتاحة فعليًا دلوقتي.

قيس عرض وطول قاعدة السرير قبل الطلب. في صفحة كل موديل اختار العرض ثم الطول، وهتشوف المقاسات المتاحة فعليًا فقط.

بنوصل لكل محافظات مصر، والشحن مجاني لكل المنتجات. بنأكد موعد التوصيل حسب المنتج والعنوان قبل التنفيذ.

الإسكندرية عادة من ١ إلى ٣ أيام عمل، والقاهرة من ١ إلى ٢ يوم، والدلتا من ٢ إلى ٤ أيام، والصعيد والمناطق البعيدة من ٣ إلى ٧ أيام. التوصيل السريع أو في نفس اليوم متاح في مناطق محددة بعد التأكيد.